طريقه عمل البط محشي فريك بالصور

البط من الأطباق المشهورة جداً في المطبخ المصري

المقادير:-

• 1/2 كيلو فريك
• 1حبة طماطم مقطعة قطع صغيرة جداً
• 2 معلقة كبيرة زبدة
• 3 معالق كبيرة زيت عباد الشمس
• 3 بصلات مقطعة قطع صغيرة
• 3 حبات بطاطس مقطعة قطع صغيرة
• ملح وفلفل وبهارات
• 3 بصلات مقطعة شرائح
• ورق لاورو
• 3 أكواب مية دافية
• 1كوب كبير دقيق
• عصير ليمونة

الطريقة:-

1- هاتي الفريك واغسليه كويس وبعد كده حطيه في المصفاة.

2- هاتي حلة وحطي فيها الزبدة والزيت وحطيهم على النار لغاية ما يسخنوا، وبعد كده ضيفي إليهم الفريك مع التقليب المستمر لغاية ما الفريك لونه يبقى ذهبي.
3- لما تلاقي إن الفريك لونه بقى ذهبي ضيفي إليه الطماطم المبشورة والبصل والبطاطس والملح والفلفل والبهارات، وشوحيهم على النار لمدة 10 دقائق مع التقليب المتسمر بس خدي بالك إن النار تكون هادية.

4- هاتي البطة ونظفيها كويس من جوه ومن بره واغسليها بالمية وبالملح والدقيق والليمون وبعد كده اغسليها بالمية وبعد كده حطيها في المصفاة علشان تصفي كل المية اللي فيها.
5- بعد كده هاتي شوكة واغرسي بيها جسم البطة في أماكن مختلفة بعد كده ادهني قلب البطة بالملح والفلفل وابدئي في حشو قلبها بخلطة الفريك.

6- هاتي صينية الفرن وادهنيها سمنة وحطي فيها شرائح البصل المتبل بالملح والفلفل وورق اللاورا، وحطي عليهم البطة ورشي الملح والفلفل والبهارات على سطح البطة.

7- لو لقيتي إن فيه فريك باقي منك ممكن إنك تحطيه في ورق فويل وتلفيه كويس وتحطيه في صينية الفرن مع البطة.

8- ضيفي إلى الصينية كوباية مية دافية وغطي الصينية بالورق الفويل ودخليها الفرن على درجة حرارة متوسطة لمدة ساعة ونص.

9- بعد مرور الساعة ونص خرجي الصينية وشيلي من عليها الورق الفويل وسيبيها في الفرن لمدة نص ساعة كمان علشان وشها يحمر.

10- بعد مرور النص ساعة خرجيها وحطيها في طبق التقديم وزيني الطبق من على الأطراف بالبطاطس.

والف هنا وشفااااااااااا

طريقه عمل البط محشي فريك بالصور 81758410

يسلموووووووووووووو

طريقه عمل البط محشي فريك بالصور R4IC1

طريقه عمل البط محشي فريك بالصور N4hr_13366570731

الله يسلمك

لذيذ و شهي بارك الله فيك ع الطبق طريقه عمل البط محشي فريك بالصور 8914

العفو اخي

» طريقه عمل المكرونة بالسجق و الطماطم بالصور
» طريقه عمل القطايف المحشية باللحمه المفرومه بالصور
» طريقه عمل لحم بالفطر بالصور اكلات شهية سهلة التحضير
» محشي فلفل وباذنجان وكوسة
» فلفل محشي باللحم لعيون احلى اعضاء